ချစ်သူသက်တမ်း(၉) နှစ်ရှိပြီး ဒီဇင်ဘာမှာ မင်္ဂလာဆောင်တော့မယ့် အဆိုတော် ဝန

” နတ်သမီးလေး “၊ “အရှုံးနဲ့ လူ” ၊ “အမုန်းနဲ့ပဲ ထိုက်တန်တယ် “ဆိုတဲ့ သီချင်းတွေဟာ လူငယ်ပရိတ်သတ်တွေကြားအရမ်းကို ရေပန်းစားခဲ့သလို ဝန ရဲ့ “အသင့်ဖြစ်ထားတယ် ” သီချင်းAlbumတစ်ခုလုံးဟာ သိပ်ကို အောင်မြင်ခဲ့တယ်လို့ ဆိုရမှာပါ။ မိန်းကလေးသာမက ယောက်ျားလေးပရိတ်သတ်တွေပါ သည်းသည်းလှုပ် သဘောကျ ရော်ကာကြီး ကိုဝန ရဲ့ စတိုင်လ်ကတော့ တကယ်ကို ကြွေလောက်စရာဖြစ်ပါတယ်။အရပ်မြင့်မြင့်၊ နှာတံမျက်ခုံးကောင်းကောင်းနဲ့ ရော်ခ့်ဂီတကို  လုံးဝ ရူးသွပ်သူမို့ ဝနဟာ ဆံပင်အရှည်ထားထားပါတယ်။

အဆိုတော် ဝန ကတော့ တကယ်ကို ရိုးရှင်းတာကို ကြိုက်တာကြောင့် Mediaတွေနဲ့ စိတ်ရှူပ်မခံသလို  interviewတွေလည်း ဖြေတာနည်းပါတယ်။ Facebook အကောင့်ကို followers တွေနဲ့ မသုံးပဲ အေးအေးဆေးဆေး personal Account တစ်ခုတည်းသာ Friend onlyနဲ့ သုံးပါတယ်။ အဆိုတော် ဝန ဟာ လူပျိုလား၊ လူလွတ်လား သေချာ မသိနေကြတဲ့ ပရိသတ်တွေအတွက်  ဝနဟာ လူပျိုတစ်ယောက်ပါ။ ဝန ရဲ့ ပါရမီဖြည့်ဘက်ခစ်ေသူဟာလည်း  ဝါသနာတူ၊ မိတ်ဖက် အဆိုတော်မလေး တစ်ဦးဖြစ်ပြီး ဒီJuneလ  24ရက်နေ့မှာ ချစ်သူသက်တမ်း (၉)နှစ်ပြည့်ခဲ့ပြီဖြစ်ပါတယ်။ အဆိုတော်ဝန ရဲ့ ချစ်သူနာမည်ကတော့ အောင်းနီ ဖြစ်ပြီး မြစ်ကြီးနားသူ၊ ကချင်လူမျိုး ဖြစ်ပါတယ်။ဂီတဝါသနာရှင် အဆိုတော်တစ်ဦး မကြာခင်က သူမဟာလည်း “ပျံသန်းလိုက်” ဆိုတဲ့ သီချင်းAlbumကို  ထုတ်ဝေခဲ့ပြီးဖြစ်ပါတယ်။ 

ဝန ရယ်လို့  မအောင်ခင် ၊ လူသိမများခင်ထဲက ဂီတလမ်းမှာ ဝါသနာတူ အတူတွဲ အေးအတူပူအမျှလျှောက်လှမ်းလာခဲ့ပြီး ခုချိန်ထိ သူတို့ အချစ်တွေ ခိုင်မြဲနေဆဲဖြစ်ပါတယ်။ ဝန ကို သဘာဝ အဆိုတော် လို့ ခေါ်ကြသလို တိုင်းရင်းသားမို့ တကယ့်ကို ဟိတ်ဟန်မရှိပဲ ရိုးသားပွင့်လင်းပြီး ဟာသညဏ်ရွှင်တဲ့ ရှားမှရှား အဆိုတော်ဖြစ်ပါတယ်။မအောင်မြင်ခင်နဲ့ အောင်မြင်ပြီး စပ်ကြားမှာ အနုပညာရှင်စုံတွဲတွေဟာ အကွဲအပြတ်တွေ များကြသမို့  အချိန်တွေအကြာကြီး နားလည်မှုတစ်ခုထဲနဲ့ ချစ်ကြဖို့ဆိုတာ တကယ်တော့မလွယ်လှပါဘူး။ ရော်ခ့် အဆိုတော်ကြီး ဝန နဲ့ ဇနီး မအောင်းနီ တို့ မင်္ဂလာ ပွဲ အချိန်နဲ့ပက်သတ်ပြီး “မင်္ဂလာဆောင် က ဒီနှစ်ကုန်မှာ လုပ်ဖြစ်မယ်။ မလုပ်ဖြစ်ရင်တော့ နောက်နှစ် နှစ်ဆန်းပိုင်းလောက်မှာ လုပ်ဖို့ စီစဉ်ထားတယ်။ ချစ်သူ သက်တမ်းက (၉ ) နှစ်ရှိပြီ။ ရက် အတိအကျ သိရလို့ရှိရင် အကုန်လုံးကို ဖိတ်မယ်။ နှစ်ယောက်စလုံးက မြစ်ကြီးနားဇာတိမို့ အဲမှာပဲ မင်္ဂလာဆောင်မယ်။ မင်္ဂလာပွဲကိုလည်း ရိုးရိုးလေးပဲ ကျင်းပဖြစ်မယ်” လို့ အဆိုတော် ၀န နှင့် အောင်းနီ တို့ ချစ်သူ နှစ်ဦးကပြောပြခဲ့ပါတယ်။

ဝနနဲ့ ပတ်သက်ပြီး အောင်းနီက “သူက ဆင်ဆင်ခြင်ခြင်လည်း နေတတ်ပါတယ်။ သူလုပ်ရမယ့် ဂီတလမ်းကြောင်းကိုပဲ သူအကောင်းဆုံး လုပ်ပါတယ်။ သူလုပ်ရမယ့်အလုပ်ကိုပဲ စဉ်းစားမယ်။ ကျန်တဲ့ အရှုပ်အရှင်းတွေ ဘာမှမရှိတာကြောင့် အမလည်း စိတ်အေးချမ်းရပါတယ်။ အဲ့ဒါကြောင့်လည်း အမတို့နှစ်ယောက် အကြာကြီးတွဲ ဖြစ်တာပါ”

မင်္ဂလာဆောင်မှာကို ဝမ်းနည်းနေတဲ့ ပရိသတ်တွေနဲ့ ပတ်သက်ပြီး ဝနက “ပရိသတ်တွေကတော့ နားလည်ပေးပါတယ်။ ကျွန်တော့်ကို ချစ်တဲ့ပရိသတ်တွေက ကျွန်တေ်ာ့အကြောင်းကို သိပါတယ်။အဆင်ပြေမှာပါ။ ပရိသတ်တွေလည်း ဝမ်းမနည်းကျပါနဲ့။ ကျေးဇူးလည်း အများကြီး တင်ပါတယ်” ဟု ပြောကြားသွားခဲ့ပါတယ်။

အဆိုတော် ၀န နှင့် အောင်းနီ တို့ချစ်သူနှစ်ဦး နောင်နှစ်ပေါင်းများစွာ အချစ်တွေနဲ့ပျော်ရွှင်နိုင်ပါစေလို့ ဆုတောင်းပေးရင်း ဝနပရိသတ်များ ဆက်လက်အားပေးပါဦးနော်။

source: Aung Nan; 

Facebook Comments

admin

error: Content is protected !!