ကိုယ်ပိုင်ဆိုင်ဖွင့်လိုက်ပြီိဆိုတဲ့ Master Chef ပြိုင်ပွဲဝင် မအေးအေးသိန်း

Master Chef ကြီးကို တုန်လှုပ်သွားစေခဲ့တဲ့ မအေးအေးသိန်းရဲ့ ထွက်ခွာသွားမှုဟာ ပရိသတ်တွေအတွက်တော့ ပူပူနွေးနွေးခံစားနေရဆဲ အချို့တွေအတွက် မကျေမနပ်ဖြစ်နေရဆဲကိစ္စရပ်တစ်ခုပါပဲ။ဒါပေမယ့် ကာယကံရှင်မအေးအေးသိန်းကတော့ Master Chef က ထွက်လာရတဲ့အတွက် ဝမ်းနည်းပူဆွေးမနေပဲ အပူအပင်ကင်းစွာနဲ့ကိုယ်ဝါသနာပါရာလုပ်ပြီး ဘဝကိုဆက်လက်လျှောက်လှမ်းနေပါပြီ။ မအေးအေးသိန်းက အခုဆိုရင် Master Chef မှာအတူတူပြိုင်ခဲ့တဲ့ သူငယ်ချင်းတွေနဲ့အတူ သူ့ရဲ့ကိုယ်ပိုင်ဆိုင်ဖွင့်လိုက်ပြီလို့သိရပါတယ်။

မအေးအေးသိန်းက UMAMI လို့ခေါ်တဲ့ သူ့ရဲ့ကိုယ်ပိုင် street food ဆိုင်လေးကို Master Chef မှာအတူတူယှဉ်ပြိုင်ခဲ့ပြီး ပရိသတ်တွေရဲ့အားပေးမှုကိုယ်စီရခဲ့ကြတဲ့ ပြိုင်ပွဲဝင်နှစ်ဦးဖြစ်တဲ့ ပြိုင်ပွဲဝင် နန်းအေးအေးသန်းနဲ့ သီဟမင်းသွေးတို့နဲ့အတူ ဖွင့်လှစ်ခဲ့တာဖြစ်ပါတယ်။ ဆိုင်နာမည် UMAMI ဆိုတာကတော့ ချို၊ချဉ်၊ငန်၊စပ်၊ခါး အရသာတွေအကုန်ပြီးပြည့်စုံသောလို့ အဓိပ္ပါယ်ရပါတယ်တဲ့။

မအေးအေးသိန်းက ဆိုင်လေးအတူတူဖွင့်ဖြစ်ပုံကို “တူတူတွဲလုပ်ရတဲ့အကြောင်းရင်းကတော့ အားလုံးက ဝါသနာတူကြတယ်လေ။ ဝါသနာလည်းတူကြတယ်ဆိုတော့ တူတူ တစ်ယောက်နဲ့တစ်ယောက်ဖေးဖေးမမနဲ့ ဒါလေးတွေကို ဝါသနာအရပဲ လုပ်ဖြစ်သွားတာပါ”လို့ ပြောပြထားပါတယ်။

မအေးအေးသိန်းအနေနဲ့ Master Chef ကထွက်လာရတာ ပြဿနာမရှိပေမယ့် Master Chef Page ကြီးကတော့ မအေးအေးသိန်းမရှိတော့လို့ ပျင်းဖို့ကောင်းနေတယ်ဆိုပြီးတော့လည်း “အခုကျွန်မတို့ ကျွန်မထွက်သွားပြီးတဲ့အချိန်ကျတော့ Master Chef Page ကြီးက ပျင်းစရာကြီးလားလို့ ကျွန်မကြည့်နေတာ။ comment ဆိုလည်းသုံးခုလောက်ပဲရှိတော့တာလားလို့ ကျွန်မတုိ့တုန်းကဆို 8.6K တို့ဘာတို့ ဘယ်လိုပဲဆဲဆဲ သူတို့ page ကြီးက အောင်မြင်နေတာပေါ့။ ဒါကျွန်မသူတို့ကို မုဒိတာပွားပါတယ်။ အခု သူတို့ခမျာ ပျင်းနေတယ်လို့ ဘယ်သူမှလည်းမဆဲကြတော့ဘူးလို့”ပြောထားပြန်ပါတယ်။

မအေးအေးသိန်း၊သီဟမင်းသွေးနဲ့ နန်းအေးအေးသန်းတို့အတူဖွင့်တဲ့ဆိုင်လေးဟာ တစ်ပတ်မှာ သောကြာ၊စနေ၊တနင်္ဂနွေ သုံးရက်ပဲဖွင့်တယ်လို့သိရပါတယ်။ ဒီဆိုင်လေးဟာ သန့်ရှင်းသပ်ရပ်မှုလည်းရှိပြီး အစားအစာလည်း အမယ်တော်တော်လေးစုံလင်တာကိုတွေ့ရပါတယ်။ ဆိုင်လေးမှာ ကြက်ကင်၊ဝက်ကင်၊ပုဇွန်ကင်၊ပြည်ကြီးငါးကင်၊ဝက်ခေါင်းထောင်း၊ ဝက်နံရိုးကြော်၊အင်းလေးငါးကြော်၊ seafood ထောင်း၊ ကြက်ဥလိပ်၊ဆေးကြက်ဥအပြင် special menu တော်တော်များများလည်းရသေးတယ်လို့သိရပါတယ်။ လတ်တလောကတော့ special menu အဖြစ် ရေဘဝဲကင်ကိုကြော်ငြာထားတာကိုတော့ စားချင်စဖွယ်တွေ့ရပါတယ်။

ဆိုင်လေးက ဝေဇယန္တာလမ်းမပေါ်မှာရှိတဲ့ ပါရမီပွိုင့်နဲ့ သစ္စာပွိုင့်ရဲ့ကြားမှာရှိပြီး ညနေလေးနာရီလောက်ကနေ ကိုးနာရီခွဲလောက်အထိရောင်းချပေးနေတာဖြစ်ပါတယ်။ ပရိသတ်ကြီးရော Master Chef ပြိုင်ပွဲဝင်တွေရဲ့ ကိုယ်ပိုင်ဆိုင်လေးကိုသွားရောက်အားပေးကြမှာလား။ပြောခဲ့ကြပါဦး။

SOURCE : Can’t Wait To Say

Facebook Comments

admin

error: Content is protected !!