တပ်မတော်အနေဖြင့် နောင်ချိုမြို့တွင်းပိုင်းကို လုံခြုံရေးအရသိမ်းပိုက်နိုင်ပြီဖြစ်ကြောင်း ဗိုလ်မှူးချုပ် ဇော်မင်းထွန်းပြော

ပြင်ဦးလွင်မြို့ရှိ တပ်မတော်နည်းပညာတက္ကသိုလ်အတွင်းသို့ လက်နက်ကြီးများဖြင့်တိုက်ခိုက်ခံခဲ့ရပြီးနောက် ရှမ်းပြည်နယ်၊ နောင်ချိုမြို့တွင်လည်း တိုက်ခိုက်မှုများဖြစ်ပွားခဲ့ကြောင်း တပ်မတော်သတင်းမှန်ပြန်ကြားရေး ကော်မတီမှ အတွင်းရေးမှူး ဗိုလ်မှူးချုပ်ဇော်မင်းထွန်းက ဆိုသည်။

လက်ရှိတွင် ရှမ်းပြည်နယ်နောင်ချို့မြို့ရှိ မြို့တွင်းပိုင်းကို တပ်မတော်အနေဖြင့် လုံခြုံရေးအရ သိမ်းပိုက်နိုင်လိုက်ပြီဖြစ်ကာ မြို့ပြင်ပိုင်းကိုတပ်မတော်စစ်ကြောင်းများဖြင့် ဆက်လက်ဆောင်ရွက်နေကြောင်း ၎င်းက ဆိုသည်။

မန္တလေးတိုင်းဒေသကြီး၊ ပြင်ဦးလွင်မြို့ရှိ တပ်မတော်နည်းပညာတက္ကသိုလ်ကျောင်းကို ယနေ့(သြဂုတ်လ ၁၅ ရက်) နံနက် ၅ နာရီခွဲက ၀င်ရောက်ပစ်ခတ်မှုဖြစ်ပွားခဲ့ပြီး တပ်မတော်သား ၁ ဒဏ်ရာရရှိခဲ့ကာ အရပ်သားတစ်ဦးသေဆုံးခဲ့ကြောင်း သိရသည်။

လက်ရှိတွင်လည်း ရှမ်းပြည်နယ်၊ နောင်ချိုမြို့ဘက်တွင် တိုက်ပွဲများဆက်လက်ဖြစ်ပွားနေကြောင်း သိရသည်။

Facebook Comments

admin

error: Content is protected !!